Heimaklettur er aldrei eins. Birta og skuggar, skýjafar, gróður, sólskin, rigning, snjór. Allt þetta gerir liti og ásýnd Klettsins margbreytileg. Sighvatur Jóns hefur gert myndband sem er samsett úr upptökum af Heimakletti undanfarinn sólarhring með svokallaðri “timelapse” aðferð, þar sem hver rammi er tekinn með löngu millibili. Myndbandið samanstendur af myndbrotum sem eru tekin með þessari aðferð á mismunandi hraða. Rétt er að vekja athygli á fjölskrúðugu dýra- og mannlífi ásamt mögnuðum náttúrudansi sólar, skýja og þoku á þessu skemmtilega myndbandi Sighvats.

Heimaklettur, Vestmannaeyjar – Timelapse from SIGVAmedia on Vimeo.