Kristján �?ór Júlíusson heilbrigðisráðherra hefur skipað Herdísi Gunnarsdóttur forstjóra nýrrar Heilbrigðisstofnunar Suðurlands sem tekur til starfa 1. október næstkomandi. Herdís var valin úr hópi tíu umsækjenda og var önnur tveggja sem metnir voru hæfastir.

Samkvæmt lögum um heilbrigðisþjónustu annast þriggja manna nefnd hæfni umsækjenda um stöður forstjóra heilbrigðisstofnana og má engan skipa til starfa nema nefndin hafi talið hann hæfan. Í umsögn hæfnisnefndar um Herdísi segir að hún uppfylli mjög vel skilyrði auglýsingar um menntun. Hún hafi verið stjórnandi á klínísku sviði um árabil og verið leiðandi í ýmsum vísinda-, þróunar- og umbótaverkefnum á Landspítala í nokkur ár. Hún hafi góða yfirsýn yfir heilbrigðismál og menntun heilbrigðisstétta og skýra sýn á stefnu stjórnvalda og skipulag þjónustunnar.

Ný Heilbrigðisstofnun Suðurlands verður til við sameiningu heilbrigðisstofnananna á Selfossi, Höfn og í Vestmannaeyjum.