Samgöngur ganga hálf brösuglega þessa dagana og á það ekki bara við um Vestmannaeyjar því allt innanlandsflug liggur niðri vegna viðvarana frá Veðurstofunni. Herjólfur fór ekki í morgun og rétt í þessu var tilkynnt að seinni ferðin fellur líka niður vegna ölduhæðar og veðurs. Athugun er næst um kl. 7:00 í fyrramálið og er útlitið mun betra hvað siglingar varðar á morgun miðvikudag. Ernir áætla flug frá Reykjavík klukkan 15.45 en hvort af því verður kemur í ljós. Vindur er 15 til 20 m af suðvestri sem óhagstæð átt til flugs í Eyjum. Líka hefur gengið á með dimmum éljum.