Í dag klukkan 16:00 hefst leikur Hauka og ÍBV í úrslitum Íslandsmóts karla í handbolta. Leikurinn fer fram á Ásvöllum í Hafnarfirði og er þriðji leikur liðanna en staðan í rimmunni er 1:1 eftir flottan sigur ÍBV á fimmtudaginn. Margir eru á því að Eyjaliðið hafi vindinn í seglin en eitt er víst að stuðningsmenn ÍBV er þeir bestu á landinu í dag enda fá þeir víða hrós, m.a. frá blaðamanni Morgunblaðsins, Ívari Benediktssyni í blaðinu í dag. Hins vegar tefla Haukar fram mjög góðu liði og klárlega mætast þarna tvö bestu lið landsins. �?að lið sem vinnur í dag, getur tryggt sér Íslandsmeistaratitilinn í Eyjum á þriðjudaginn.

Leikur liðanna í dag verður að sjálfsögðu í beinni útsendingu á R�?V og hefst útsendingin klukkan 15:45.