Kvennalið ÍBV í handknattleik tryggði sér sæti í 8-liða úrslitum Coca Cola bikarkeppninnar með baráttusigri í Garðabæ en liðið lagði Stjörnuna að velli með tveimur mörkum, 22:24. Leikmenn ÍBV urðu að hafa mikið fyrir sigrinum enda var Stjarnan yfir allan tímann, allt þar til um fjórar mínútur voru eftir, að ÍBV komst yfir 21:22. Stjarnan hafði mest náð fjögurra marka forystu í fyrri hálfleik 9:5 og svo þriggja marka forystu í síðari hálfleik þegar um tíu mínútur voru eftir. En með mikilli baráttu og klókindum tókst ÍBV að snúa leiknum sér í vil eins og áður sagði. Frábær sigur og ekki væri leiðinlegt að eiga eitt bikarævintýri í vetur, jafnvel tvö.

Mörk ÍBV: Telma Amado 8, Díana Dögg Magnúsdóttir 6, Vera Lopes 5/4, Jóna Sigríður Halldórsdóttir 2, Ester �?skarsdóttir 2, Elín Anna Baldursdóttir 1.

Varin skot: Dröfn Haraldsdóttir 13.

B-lið ÍBV tók í kvöld á móti úrvalsdeildarliði Hauka í Eyjum í sömu keppni. B-liðið skipuðu margar fyrrum kempur ÍBV, eins og Andrea Atladóttir, Ingibjörg Jónsdóttir, Guðbjörg Guðmannsdóttir og �?órsteina Sigurbjörnsdóttir og var virkilega gaman að sjá þær aftur á vellinum. �?ær veittu líka Haukum verðuga mótspyrnu framan af en fyrstu tuttugu mínúturnar skiptust liðin á að skora og var staðan m.a. 9:9 þegar tíu mínútur voru til leikhlés. En þá virtist allt hrökkva í baklás hjá ÍBV sem skoraði aðeins eitt mark gegn níu mörkum það sem eftir lifði hálfleiksins og staðan í leikhléi 10:18

Andrea sagði í viðtali á Eyjafréttum fyrir leikinn að markmiðið væri einfalt, að skora meira en tuttugu mörk. Annað væri algjört aukaatriði en stelpurnar stóðu við sitt og náðu markmiðinu því lokatölur urðu 22:33.