Kvennalið ÍBV vann í kvöld stórsigur á Aftureldingu 8:0. Staðan í hálfleik var 4:0 en með sigrinum er ÍBV svo gott sem búið að tryggja sér áframhaldandi sæti í úrvalsdeild. ÍBV er nú í 7. sæti með 18 stig en Afturelding er í 9. sæti, fallsæti með 7 stig. 11 stig eru á milli liðanna og 12 stig eftir í pottinum. ÍBV á eftir að spila gegn FH og ÍA, tveimur af þremur neðstu liðunum og mun án efa vinna ÍA, sem hefur aðeins eitt stig eftir 14 leiki. �?ar með væri sætið endanlega öruggt. Eyjastúlkur ættu því að geta farið að horfa upp töfluna í stað þess að horfa niður á hana. Staðan er nefnilega þannig að aðeins eru fimm stig upp í fjórða sætið og ljóst að enn er möguleiki á að komast ofar.

Mörk ÍBV gerðu þær Vesna Elísa Smiljkovic (2), Díana Dögg Magnúsdóttir (2), Kristín Erna Sigurlásdóttir, �?órhildur �?lafsdóttir, Bryndís Hrönn Kristinsdóttir og eitt marka ÍBV var sjálfsmark Aftureldingar.