Kvennalið ÍBV er komið með undirtökin í viðureign sinni gegn FH í 8-liða úrslitum Íslandsmótsins. Liðin áttust við í fyrsta leik í dag í Eyjum en vinna þarf tvo leiki til að komast áfram í undanúrslit. ÍBV vann með átta mörkum, 25:17.

Eyjaliðið var reyndar nokkuð lengi af stað og hafði aðeins skorað tvö mörk þegar fyrri hálfleikur var hálfnaður. En eftir það brustu flóðgáttirnar, ÍBV náði að snúa leiknum sér í vil og var yfir í hálfleik 11:8.

Í síðari hálfleik bar helst til tíðinda að Vera Lopes, markahæsti leikmaður ÍBV og sá besti í vetur, fékk að líta rauða spjaldið um miðjan hálfleikinn. Í handbolta eru nú tvær gerðir af rauðum spjöldum, rautt spjald með og án skýrslu dómara. Ef engin skýrsla fylgir, þýðir rauða spjaldið ekki endilega leikbann en meiri líkur eru á því ef dómarar senda skýrslu með. �?að kemur svo í ljós á þriðjudag á fundi aganefndar hvort Lopes ver í leikbann en það yrði sannarlega skarð fyrir skildi hjá ÍBV. Fram að rauða spjaldinu hafði Lopes skorða sjö mörk fyrir ÍBV.

En aðrir leikmenn ÍBV náðu ágætlega að leysa fjarveru Lopes og átta marka sigur ágætt veganesti í leik tvö sem fer fram í Hafnarfirði á þriðjudag.

Mörk ÍBV: Vera Lopes 7, Guðbjörg Guðmannsdóttir 6, Telma Amado 4, Díana Dögg Magnúsdóttir 4, Sóley Haraldsdóttir 2, Ester �?skarsdóttir 2.