- Eyjafréttir
- ·
- Fréttir
- ·
Innanfélagsmót Sjóve um aðra helgi
Í nýjasta tölublaði Eyjafrétta er Innanfélagsmót Sjóve auglýst en mótið verður haldið laugardaginn 7. júní. Í auglýsingunni er hins vegar sagt að mótið eigi að vera 5. apríl en eins og flestir gera sér væntanlega grein fyrir, þá er sú dagsetning kolröng. Skráning í mótið er hins vegar hafin á www.sjove.is og eru félagsmenn hvattir til að taka með sér nýliða í sjóstöng.
Dagsskrá mótsins er þannig að á föstudeginum er mótssetning, dregið á báta og mótsgögn afhent klukkan 20:00 í félagsheimili Sjóve við Heiðarveg 7. Lagt verður úr höfn klukkan 7:00 á laugardagsmorgni en veiðum hætt klukkan 15 og stefnan tekin í land. Um kvöldið er svo lokahóf, matur og verðlaunaafhending.
