�?að er sorglegt til þess að vita að tveir núverandi ráðherrar Árni og Guðni sem báðir eru oddvitar sinna flokka í Suðurkjördæmi skuli engan vilja sýna til þess að klára nauðsynlegar rannsóknir. Rannsóknir sem að öllum líkindum kosta ekki meira en gott einbýlishús í Reykjavík.

�?að var líka merkilegt að heyra framsóknarmanninn Bjarna Harðarson lýsa því yfir að hugsanlega gerði fjármálaráðherra ekkert í fjármögnun á rannsóknum á jarðgöngum vegna þess að annar maður á lista Sjálfstæðisflokksins Árni Johnsen væri í forsvari fyrir þeim málum. Samgöngumál Vestmannaeyinga mega ekki líða fyrir innanflokksdeilur sjálfstæðimanna og brandarar landbúnaðarráðherra fleyta Eyjamönnum ekki inn í nútímann í samgöngum.

�?g á bágt með að trúa því að Vestmannaeyingar leggi traust sitt á núverandi stjórnarflokka varðandi samgöngumál. Lítið hefur gerst síðastliðin 16 ár sem sjálfstæðisflokkurinn hefur verið við völd í Vestmannaeyjum og í ríkisstórn. Einu samgöngubæturnar sem gerðar hafa verið voru þegar vinstri menn komust til valda í Eyjum á síðasta kjörtímabili. Með samstilltu átaki bæjarstjórnar tókst að fjölga ferðum Herljólfs og fá niðurgreiðslu á flugið milli Vestmannaeyja og Reykjavíkur.

Árni fjármálaráðherra og Guðni landbúnaðarráðherra hafa sýnt Vestmannaeyingum hvað hug þeir bera í raun til Eyjamanna. �?eir hafa meirihlutann, þeir hafa valdið og ekkert gerist.

�?að er kominn tími til þess að gefa núverandi valdhöfum frí, það er eina von Eyjamanna á bættum samgöngum. �?eir eru fullreyndir þau sextán ár sem þeir hafa setið.

Guðrún Erlingsdóttir

frambjóðandi í 5. sæti á lista Samfylkingarinnar