Borgarafundur var haldinn í boði Árna Johnsens á Kaffi Kró s.l. föstudagskvöld og margt athyglisvert sem kom fram þar. Á landsmiðlunum mætti hins vegar halda að Árni hefði verið að leggja til að Landeyjahöfn yrði lokuð, en svo var alls ekki og tók hann það ítrekað fram. �?að sem málið hins vegar snérist um er, að nú sé Sigurður Áss farinn að tala um að alveg sama hvað gert verði fyrir Landeyjahöfn, þá verði hún aldrei heilsárshöfn (kemur mér alls ekki á óvart) og að það verði að fara að skoða aðra kosti. Fleira sem vakti athygli er t.d. spurning til skipstjóra Lóðsins um hvert væri stærsta vandamál Landeyjahafnar, og benti hann á bæjarstjórnarmeirihlutann sem stærsta vandamálið, en fulltrúar meirihlutans misstu ansi oft kúlið á fundinum og ótrúlegt ef Eyjamenn ætla að láta þetta lið stjórna áfram eftir kosningarnar.

En svona til gamans, þá fletti ég upp á blogg síðunni minni í leit að grein um göng og fann eina sem skrifuð er 9. janúar 2008, þar sem m.a. koma fram að hluta til útreikningar Árna og svo mitt sjónarmið ef einhvern tímann verða gerð göng. En það er eitthvað sem að við klárlega verðum að skoða ef í ljós kemur að ekki er hægt að laga Landeyjarhöfn.

�?g held að flest allir Eyjamenn séu sammála um það, að auðvitað væru göng besti kosturinn fyrir okkur. Vandamálið er, að göng eru líka dýrasti kosturinn, eða hvað? Ef litið er til lengri tíma, þá er ljóst að hvort sem hér verði Herjólfur áfram eða Bakkaferja, þá þarf reglulega að endurnýja skipið með tilheyrandi kostnaði og halda því við. Ef ég man rétt, þá voru útreikningar �?gisdyra manna þannig, að þeir reiknuðu með að aukning á bílaumferð til og frá Eyjum yrði það mikil, að um 200 þús. bílar myndu fara þá leið árlega og með því að rukka gjald í göngin, 2500 kr á bíl, þannig fengist 1 milljarður á hverju ári, fyrir utan það framlag sem við erum að fá á hverju ári frá ríkinu vegna Herjólfs. �?annig að miðað við göng, sem myndu kosta 30-40 milljarða þá væri hægt að borga þau upp á 30 árum.

�?g velti því hinsvegar fyrir mér, hvað ég væri tilbúinn að borga fyrir að geta komist milli lands og Eyja hvenær sem er sólarhringsins, allan ársins hring og ég verð að viðurkenna alveg eins og er, að ég væri þess vegna tilbúinn að borga 5000 kr. fyrir bílinn, að því gefnu að ekkert þurfi að greiða fyrir farþegana. Miðað við 30-40 milljarða göng, þá er ljóst að með því að borga 5000 kr fyrir bílinn, tæki helmingi styttri tíma að borga göngin.

En er þetta svona einfalt? �?g átti ágætt samtal á síðasta ári við Árna Johnsen, þar sem hann útskýrði sínar hugmyndir um göng, sem ganga fyrst og fremst út á það að gera sambærileg göng og eru víða í Færeyjum, þ.e.a.s. göng sem eru einfaldlega boruð og malbikuð og nánast lítið annað gert. �?g bað nýlega kunningja minn og jarðeðlisfræðing um að útskýra fyrir mér á einfaldan og skýran hátt muninn á jarðlögum í Eyjum og Færeyjum. �?tskýringarnar voru mjög einfaldar og skýrar. Ef við gefum okkur það, að jarðlögin í Vestmannaeyjum séu ca. nokkur hundruð þúsund ára gömul, þá eru jarðlögin í Færeyjum 50 milljón ára gömul, svo það gefur auga leið, að þarna er talsverður munur, fyrir utan það að sjálfsögðu, að í Eyjum búum við, við reglulegar jarðhræringar á meðan slíkt er algjörlega óþekkt í Færeyjum.

�?annig að mín skoðun er sú: Ef einhvern tímann verða gerð göng milli lands og Eyja, verða þau sennilega að vera þríbreið, þ.e.a.s. með akrein í sitthvora áttina og einhverskonar neyðarafdrep eða neyðargöng, sem væru sérstaklega styrkt og þannig frágengið að fólk gæti annaðhvort gengið eða ekið út úr göngunum, ef eitthvað kæmi upp á. �?etta þýðir líka, að sennilega þyrfti að steypa göngin langleiðina og jafnvel setja styrkingar á veikustu köflunum. �?etta þýðir að sjálfsögðu, að mjög hæpið hlýtur að teljast að hægt sé að gera slík göng fyrir minna en 50-60 milljarða, en með því að rukka 5000 kr. á bíl þá væri samt hægt að borga göngin upp á ca. 30 árum. �?etta eru kannski ekki mjög nákvæmar útreikningar hjá mér, en þetta er, svona gróft séð, mín skoðun. Meira seinna.