Lára Huld Guðjónsdóttir hefur verið skipuð sýslumaður í Vestmannaeyjum. Hanna Birna Kristjánsdóttir, innanríkisráðherra hefur í kjölfar niðurstöðu sérstakrar valnefndar tilkynnt um skipan í embætti sýslumanna í nýjum umdæmum. Ný embætti sýslumanna munu taka til starfa um næstu áramót í samræmi við ný lög sem Alþingi samþykkti síðastliðið vor um breytingar á umdæmum sýslumanna og lögreglustjóra og aðskilnað embættanna, að því að fram kemur í tilkynningu frá innanríkisráðuneytinu sem send var fjölmiðlum í kvöld. Lára Huld Guðjónsdóttir hefur starfað sem sýslumaður í Strandasýslu, með aðsetur í Hólmavík frá árinu 2007 en var áður fulltrúi sýslumanns á Seyðisfirði. Lára Huld tekur við starfinu af Karli Gauta Hjaltasyni.

Sýslumannsembættin verða 9 í stað 24 áður en auk breytinga á sýslumannsembætunum, hafa embættin verið aðskilin lögreglustjóraembættunum. �?annig verða skipaðir nýir lögreglustjórar en einn slíkur verður staðsettur í Vestmannaeyjum og verður lokið við skipan í þau embætti á næstu dögum.