Nokkuð hvassviðri hefur gengið yfir Eyjarnar í dag en meðalvindhraði nú, klukkan 14:00 var 23 m/sekúndu á Stórhöfða en fór upp í 33 metra í mestu hviðunum. Eitthvað hefur verið um að lausir munir hafi fokið, m.a. trampólín og annað slíkt. �?á lét stórt veislutjald á Skipasandi undan í rokinu en brugðist var með því að leggja gámavögnum allt í kringum tjaldið til að verja það. Goslokahátíðin er í fullum gangi í Eyjum þessa stundina og nóg um að vera en kylfingar létu vindinn ekki hafa áhrif á sig og léku golf í dag í Volcano Open golfmótinu.