Takmarkið er að tefla í einn sólarhring og má gera ráð fyrir að teflt verði á fimm, sex og jafnvel sjö borðum þegar mest verður í dag en eitthvað færri verða að í nótt. En takmarkið er að keðjan slitni ekki fram að hádegi á morgun.

Foreldrar og áhugasamir hafa látið sjá sig og teflt við krakkana. Fólk er hvatt til að mæta og styðja með því starf Taflfélagsins með áheitum á hverja klukkustund sem teflt er.