�?ær Shaneka Gordon og Natasha Anasi, leikmenn ÍBV í knattspyrnu, skrifuðu í dag undir áframhaldandi samning við félagið. Shaneka leikur því sitt fjórða tímabil með félaginu en hún hefur verið markadrottning liðsins undanfarin ár. �?á var Shaneka valin leikmaður ársins hjá ÍBV á síðasta leiktímabili. Natasha kom til liðs við ÍBV í félagsskiptaglugganum í júlí og hefur leikið mjög vel fyrir liðið. Í tilkynningu frá ÍBV kemur fram að henni líki vel hjá félaginu og því sé samningur við hana í höfn.