- Eyjafréttir
- ·
- Fréttir
- ·
Notum endurskinsmerkin
Eins og undanfarnar vikur þá var frekar rólegt hjá lögreglu og þrátt fyrir að fjöldi fólks hafi verið að skemmta sér um helgina voru fá útköll á veitingastaði bæjarins um helgina.
Einn ökumaður var stöðvaður vegna gruns um ölvun við akstur og var hann jafnframt sviptur ökuréttindum til bráðabirgða.
�?á liggja fyrir tvær sektir vegna brota á umferðarlögum en um var að ræða akstur gegn rauðu ljósi og ólöglega lagningu ökutækis.
Eitt umverðaróhapp var tilkynnt lögreglu í vikunni en um var að ræða árekstur á gatnamótum Illugagötu og Kirkjuvegar. Engin slys urðu á fólki en nokkuð tjón varð á ökutækjum.
Lögreglan vill minna gangandi vegfarendur á að nota endurskinsmerkin núna þegar svartasta skammdegið er að ganga í garð. Sérstaklega vill lögreglan minna foreldra og forráðamenn að setja endurskinsmerki á börn sín sem og að gæta að ljósabúnaði reiðhjóla barna sinna.
Lögreglumenn sem hafa verið við eftirlit við skólana á morgnana hafa orðið varir við að sum reiðhjól eru án ljósa og endurskinsmerkja og eins hafa börn á leið í skólann verið án endurskinsmerkja. Hvetur lögreglan til að þessu verið kippt í liðinn hið fyrsta.
Nýjustu fréttir
Mest lesið
