- Eyjafréttir
- ·
- Fréttir
- ·
Númeraplötum stolið
Vikan var ekki mjög erilsöm hjá lögreglu en þó komu, að vanda, upp ýmis atvik sem leysa þurfti. Skemmtanahaldið gekk með ágætum en frekar rólegt var í kringum veitingastaði bæjarins og fá útköll í tengslum við skemmtanir sem haldnar voru.
Tveir þjófnaðir voru kærðir til lögreglu í liðinni viku og var í öðru tilvikinu um að ræða þjófnað á Iphone síma en í hinum var um að ræða þjófnað á númeraplötum bifreiðar sem lagt var á Hásteinsvegi. Talið er að númeraplötunum hafi verið stolið aðfaranótt 19. júní sl.
Laust eftir hádegi þann 16. júní sl. var óskað eftir aðstoð lögreglu að Spröngunni en þar hafði drengur á níunda ári fallið úr spröngunni og misst meðvitund. Drengurinn var fluttur með sjúkrabifreið á Heilbrigðisstofnun Vestmannaeyja en mun ekki hafa orðið meint af fallinu.
Síðdegis þann 19. júní sl. var lögreglu tilkynnt um að ökumaður vinnuvélar hafi misst stjórn á akstrinum á Strandvegi með þeim afleiðingum að vinnuvélin lenti utan vega og fór á hliðina. Tildrög slyssins munu vera þau að vélinni var ekið niður af Nýjahrauni og inn á Strandveg þegar ökumaðurinn missti stjórn á akstrinum með fyrrgeindum afleiðingum. �?kumanninn sakaði ekki en líklegt verður að telja að vinnuvélin sé ónýt.
Tvær kærur liggja fyrir vegna brota á umferðarlögum en í öðru tilvikinu er um að ræða kæru vegna aksturs á negldum hjólbörðum. Í hinu tilvikinu er um að ræða umferðaróhapp þar sem sá sem óhappinu olli lét sig hverfa af vettvangi án þess að tilkynna um það. �?happið mun hafa átt sér stað annaðhvort á bifreiðastæðinu við Hraunbúiðir eða bifreiðastæðinu við Ísfélagið v/Miðstræti þann 20. júní sl.
