- Eyjafréttir
- ·
- Fréttir
- ·
Rúmlega 16 milljarða aflaverðmæti landað í Eyjum á síðasta ári
Reykjavíkurhöfn var sú höfn þar sem mestum aflaverðmætum var landað á síðasta ári eða alls 25,3 milljörðum kr. Næst í röðinni komu Vestmannaeyjar með rúma 16 milljarða og Neskaupstaður með 14,4 milljarða. Sú höfn þar sem minnstu verðmæti var landað og rekur því lestina er Haukabergsvaðall með aflaverðmæti upp á 54 þúsund krónur. �?arna var landað grásleppu og meðafla hennar.
Hlutur Reykjavíkur hefur farið lítillega minnkandi á undanförnum árum. Til að mynda var hann 16,8% eða rúmir 29 milljarðar árið 2011 en fór niður í 14,9% eða 25,3 milljarða í fyrra. �?etta er samdráttur uppá 3,8 milljarða. Hins vegar jukust aflaverðmætin um rúma 1,8 milljarða á Ísafirði og 3,1 milljarð á Siglufirði.
�?egar horft er til landsvæða var mestum aflaverðmætum landað á Austurlandi eða 23,2% af heildaraflaverðmætunum sem skráð voru í íslenskum höfnum samkvæmt vigtar- og ráðstöfunarskýrslum. Alls voru þetta rúmir 39,3 milljarðar króna. Næst koma hafnirnar á höfuðborgarsvæðinu með rúma 31,4 milljarða króna (18,6%).
(tekið af vef Fiskistofu)
