ÍBV tapaði í kvöld fyrir Val í 18. umferð Pepsídeildar karla í knattspyrnu en liðin áttust við á heimavelli Valsara. Lokatölur urðu 3:0 fyrir Val, sem voru miklu betri í leiknum en staðan í hálfleik var 1:0 Valsmönnum í vil. Lítil breyting varð á stöðu liðanna í fallbaráttunni, nema hvað að �?órsarar eru líklega fallnir, enda níu stigum frá öruggu sæti þegar tólf stig eru eftir í pottinum. ÍBV færðist niður úr sjöunda sæti í það áttunda. Valsmenn, sem eru komnir með 24 stig, eru að öllum líkindum lausir við falldrauginn enda hefur ekkert lið fallið með 24 stig, síðan liðum var fjölgað úr 10 í 12. ÍBV er ennþá með 20 stig og vantar því herslumuninn til að losna úr fallhættunni.

Eins og staðan er núna er �?ór neðst með 9 stig, Fjölnir er í 11. sæti með 16 stig, Fram í 10. sæti með 18 stig, Keflavík er í 9. sæti með 19 stig, ÍBV og Breiðablik eru í 8. og 7. sæti með 20 stig og Fylkir er í 6. sæti með 22 stig. �?etta eru þau lið sem teljast enn vera í fallhættu.