Sterkari grunnskóli og öflugri framtíð
Guðríður Jónsdóttir

Aðsend grein

Guðríður Jónsdóttir

Hvað er það sem við viljum fá út úr grunnskólum okkar hér í Vestmannaeyjum? Viljum við framúrskarandi árangur og hvað felst í honum? Eru það eingöngu háar einkunnir, eða er það að ala upp sjálfstæða, hamingjusama og virka þjóðfélagsþegna sem eru tilbúnir út í lífið?

Fjárfesting í framtíðinni

Grunnskóli Vestmannaeyja er stærsti vinnustaður bæjarins. Þar stunda yfir 500 nemendur nám og fjöldi starfsfólks sem leggur sitt af mörkum á hverjum degi. Útgjöld Vestmannaeyjabæjar til skólans eru því verulegur hluti af fjármunum bæjarins. Það er því eðlilegt að gera kröfu um að þeim fjármunum sé vel varið. Það er eðlilegt að horfa til þess að fjárfesting í menntun er fjárfesting í framtíðinni.

Öflugt starfsfólk skiptir máli

Við í Eyjum erum afar heppin að búa yfir öflugum hópi kennara. Hlutfall vel menntaðra kennara er hátt. Kennarastarfið hefur hins vegar tekið miklum breytingum á undanförnum árum. Kröfurnar eru meiri, hlutverkið fjölbreytt og áskoranirnar í samræmi við það. Þess vegna er lykilatriði að vinnustaðurinn sé góður og að kennarar og annað starfsfólk skólans njóti trausts, virðingar og stuðnings.

Skóli fyrir alla

Við viljum skóla sem mætir þörfum allra nemenda. Skóla þar sem fjölbreyttar kennsluaðferðir eru nýttar til að ná sem bestum árangri, með aðgang að þeim tækjum og tólum sem eykur ánægju og árangur nemenda og starfsfólks. En árangur er ekki aðeins mældur í tölum, hann birtist líka í vellíðan, áhuga og þátttöku.

Samstarf heimilis og skóla

Þróunarverkefnið Kveikjum neistann er gott dæmi um þessa nálgun. Verkefnið hefur verið í gangi í fimm ár og það sem vekur áhuga er aukin þátttaka foreldra. Foreldrar eru tilbúnir að taka virkan þátt í námi barna sinna og þar liggur einn af lykilþáttum árangursríks skólastarfs. Þegar heimili og skóli vinna saman skapast sterkari grunnur fyrir nemendur. Þegar við göngum í takt náum við lengra.

Undirbúningur fyrir framtíðina

Við megum heldur ekki gleyma því að börnin okkar munu starfa við störf sem eru ekki til í dag. Þau munu skapa ný störf, leysa ný verkefni og takast á við áskoranir sem við þekkjum ekki, ennþá. Þess vegna þarf grunnskólinn að búa þau undir meira en próf, hann þarf m.a. að efla sköpun, gagnrýna hugsun, samvinnu og sjálfstraust. Sameinuð erum við sterkari og þar með verður framtíðin öflugri.

 

Guðríður Jónsdóttir, grunnskólakennari.

Höfundur skipar 14. sæti á lista Sjálfstæðisflokksins í Vestmannaeyjum.

Nýjustu fréttir

Mannlíf
Hoppukastalar, pylsur og Arsenal-stemning í Höllinni
Úr blaði Eyjafrétta
Hjónin Rósa og Ágúst deila áhuga á handverki
Íþróttir
Eyjakonur sækja Stjörnuna heim í mikilvægum leik
Áhugavert
45 nemendur útskrifuðust frá FÍV
Fréttatilkynning
Eldri hjón deila 336 milljónum með börnum og barnabörnum
Þjóðhátíð
Hipsumhaps á Þjóðhátíð
Sjávarútvegur
Stuttir túrar skiluðu góðum afla
Ísfélagið
Loðnan skilaði sjómönnum milljónum á fáeinum vikum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.