Stofutónleikar verða haldnir á Háaloftinu næstkomandi föstudag en hugmyndin með tónleikunum er að gefa ungum Eyjaböndum tækifæri til að láta ljós sitt skína. Nú þegar hafa hljómsveitirnar Blind Bargain og Tyrone staðfest komuna og að sögn Birgis Nielsen, eins eiganda Háaloftsins, þá er aldrei að vita nema fleiri bönd bætist við. �?eir sem hafa áhuga á að koma fram á tónleikunum geta sett sig í samband við Birgi í síma 895-8994. Tónleikarnir hefjast klukkan 22:00 og er aðgangur ókeypis en aldurstakmark er 18 ár.