ÍBV vann stórsigur á botnliði ÍA í dag en lokatölur urðu 5:0. Um leið sendu Eyjakonur Akranesliðið endanlega niður í 1. deild en ÍA á ekki lengur möguleika á að halda sæti sínu og fyrir leikinn voru möguleikarnir afskaplega litlir enda ÍA með aðeins eitt stig eftir 16 leiki. Sigur ÍBV hefði í raun getað orðið mun stærri enda fengu Eyjakonur fjölmörg færi sem ekki nýttust og áttu m.a. þrumuskot í stöng í síðari hálfleik. Staðan í hálfleik var 2:0 en mörk ÍBV gerðu þær Shaneka Gordon (2), �?órhildur �?lafsdóttir, Vesna Elísa Smiljkovic og Sóley Guðmundsdóttir. Með sigrinum lyfti ÍBV sér upp í fimmta sæti deildarinnar en liðið er nú með 24 stig eftir 16 leiki. Valur er með 22 stig eftir 15 leiki og Selfoss með 23 eftir 15 leiki.

Shaneka er nú í öðru sæti yfir markahæstu leikmenn deildarinnar, með 11 mörk en mikil barátta er um silfurskóinn þar sem Harpa �?orsteinsdóttir er með mikla yfirburði í markaskorun í sumar, búin að skora 23 mörk. Eyjakonan Fanndís Friðriksdóttir er svo í þriðja sæti yfir markaskorara sumarsins, með 9 mörk í 14 leikjum en í kjölfar hennar eru svo fjórir leikmenn með 8 mörk, þar af þrjár úr Breiðabliki. �?ess má svo til gamans geta að bakvörðurinn Sóley skoraði sitt mark beint úr hornspyrnu.