Tæpur helmingur Eyjamanna vill Bakkafjöru

Vantar sérfræðiþjónustu til Eyja
Skiljanlega versla flestir Eyjamenn matvöru í heimahéraði, eða 92%, eitt prósent í héraðs- eða landshlutamiðstöðvum og 7% í Reykjavík. �?egar litið er á kaup á fatnaði segjast 56% Eyjamanna versla í Eyjum og 40% versla föt í Reykjavík. Aftur á móti skera Eyjamenn sig nokkuð úr þegar kemur að verslun á heimilistækjum en 82% Eyjamanna versla slík tæki heima fyrir og 18% í Reykjavík.
Til samanburðar versla 6% íbúa Árborgar heimilistæki í heimabyggð og aðeins 39% á Austurlandi. �?egar kemur að sérfræðilæknisþjónustu sækja 62% Eyjamanna þá þjónustu til Reykjavíkur og 36% fá sína þjónustu í Eyjum.
�?egar spurt var hvaða þjónustu vantaði í sveitarfélagið sögðu 31% lágvöruverslun, 19% sérfræðiþjónustu, 17% verslanir og 15% læknisþjónustu. �?egar litið er sérstaklega á Vestmannaeyjar sögðu 48% sérfræðiþjónustu, 16% læknisþjónustu og 4% lágvöruverslun. Var hlutfallið á þeim sem töldu vanta sérfræðiþjónustu langhæst í Vestmannaeyjum.

Tæpur helmingur vill höfn í Bakkafjöru
Sérstaklega voru Eyjamenn sem lentu í úrtakinu spurðir út í samgöngur. Kom þar fram að 86% Eyjamanna nota Herjólf alla jafna í sín ferðalög, 6% flug á Bakkaflugvöll, 6% sögðu það misjafnt og 2% flugu til Reykjavíkur.
�?ess má geta að könnunin var gerð í mars á þessu ári. Eins var spurt hvað stendur í vegi fyrir því að fólk fljúgi. 74% sögðu það of dýrt, 16% nefndu bílleysi í Reykjavík, 5% að flug væri óáreiðanlegt og 2% flughræðslu. Eins hvað flugmiði mætti kosta til að fólk tæki flug fram yfir Herjólf og meðalverðið sem kom út úr þeirri spurningu var 3.300 krónur.
Að lokum var spurt hvaða ferðamáta til Eyja fólki lítist best á. Gefnir voru upp fjórir möguleikar, Bakkafjara, hraðskreiðari ferja til �?orlákshafnar, flug til Reykjavíkur og flug á Bakka. Ekki var gefinn möguleiki á jarðgöngum. 47% aðspurðra sögðu Bakkafjara, 29% hraðskreiðari ferju til �?orlákshafnar, 8% flug til Reykjavíkur og 1% flug á Bakka. 15% sögðu enginn af þessum kostum.

Nánar í Fréttum í dag.

Nýjustu fréttir

Stjórnmál
Jón Þór leiðir lista Miðflokksins – Sæunn er bæjarstjóraefnið
Herjólfur
Fyrri ferð föstudags felld niður
Íþróttir
Elliði Snær markahæstur gegn Svíum
Fréttir
Laxey á Seafood Expo North America
Úr blaði Eyjafrétta
Trúin og andlegt starf styrkur í sorginni
Íþróttir
Heimir heldur áfram með Írland – samningur til 2028
Fréttir
Vatn loksins farið að renna í laugina
Úr blaði Eyjafrétta
Eyjalistinn tilbúinn – Miðflokkurinn kynnir sinn lista í kvöld
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.