Héraðsdómur Reykjavíkur kvað í síðasta mánuði upp úrskurð í máli Sambands tónskálda og eigenda flutningsréttar, STEF gegn fjarskiptafyrirtækjunum Vodafone og Hringdu. Í dómnum er lagt fyrir Sýslumanninn í Reykjavík að leggja lögbann á að umrædd fjarskiptafyrirtæki geti veitt viðskiptamönnum sínum aðgang að vefsíðum eins og Deildu.net og Piratebay og hafa fyrirtækin nú lokað á aðganginn. Skiptar skoðanir eru um dóminn en þeir sem eru á móti honum, segja að þar sé vegið að frelsi netsins og verið sé að feta vandrataðan veg í ritskoðun á netinu. STEF hefur lagt fram lögbannskröfu gegn öðrum íslenskum fjarskiptafyrirtækjum og eru þau mál í ferli.

Á Vísi.is er m.a. rætt við Kristínu Garðarsdóttur, framkvæmdastjóra Tölvunar í Vestmannaeyjum. Ummælin hafa vakið athygli en Kristín segir: �??Við erum á báðum áttum með það hvort það eigi að loka á svona síður en ef beiðnin berst verður þetta tekið fyrir af stjórn fyrirtækisins. �?g hef hins vegar stundum sagt að það þurfi að loka póstinum því það fara jú stundum eiturlyf í gegnum póstinn,�?? segir Kristín.