Þakklát mömmu fyrir hvatninguna

„Ég myndi segja að ég sé frekar fjölbreytt. Ef ég fæ leið á einhverjum stíl þá færi ég mig yfir í eitthvað allt annað” segir Sunna Einarsdóttir, ung og upprennandi myndlistakona og eyjamær sem verður með sýningu yfir Goslokin í Craciouskró á Skipasandi. Með henni verður Unnar Gísli Sigurmundsson, sem gengur undir listamannsnafninu Júníus Meyvant, með sína sýningu.

„Ég er mjög spennt að vera með Unnari og er spennt að sjá verkin hans. Það verður gaman fyrir fólk að kíkja á okkur þar sem við erum með ólíkan listastíl” segir Sunna sem hefur verið teiknandi frá unga aldri og skólabækur hennar alltaf verið stútfullar af alls konar skissum og teikningum.

„Þegar ég var yngri þá sá mamma eitthvað í mér og sagði mér að prufa að teikna alls konar dýr. Ég verð henni alltaf þakklát fyrir það því ég væri alls ekki að gera það sem ég er að gera í dag ef hún væri ekki að hvetja mig áfram og væla í mér að fara að teikna” segir Sunna. Síðustu ár hefur hún verið að teikna grískar styttur og kemur innblásturinn aðallega frá grískum byggingarstíl og öðrum styttum.

Þrátt fyrir ungan aldur þá er þetta ekki fyrsta sýningin hennar Sunnu en þegar hún var 12 ára voru myndirnar hennar til sýnis á Hótel Vestmannaeyjar í einhvern tíma. Sunna útskrifaðist úr Framhaldsskólanum í Vestmannaeyjum í vor og segir listina klárlega vera eitthvað sem henni langar til að gera í framtíðinni. „Listaháskólinn í Reykjavík heillar mig mjög mikið en svo væri ekki leiðinlegt að fara út í skóla” segir Sunna.

„Það eru allir velkomnir að kíkja á sýninguna og ég hlakka til að sjá alla” bætir Sunna við.

Sýningin opnar fyrir gestum miðvikudaginn 5. júlí kl. 18:00.

Nýjustu fréttir

Úr blaði Eyjafrétta
Skýr skilaboð frá flokksmönnum 
Aðsend grein
Framtíðarsýn og grunngildi – Hvert erum við að fara?
Samgöngur
Landeyjahöfn – Þurfum öflugt dæluskip
Úr blaði Eyjafrétta
Viljum frekar byggja upp en að rífa niður 
Samgöngur
Dæluskipið Álfsnes á Bíldudal
Úr blaði Eyjafrétta
Ótrúlegt að 1.200 manns taki þátt í prófkjöri í svona litlu samfélagi 
Sjávarútvegur
Lagt til að ráðist verði í könnunarveiðar á humri
Fréttir
Vel heppnaðri loðnuvertíð lokið
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.