Í dag, laugardaginn 12. júlí kl. 14 verður opnuð í Einarsstofu sögusýning um merki þjóðhátíðar 1970-2014 með dagskrá þar sem Gunnar Júlíusson fjallar um eldri merki þjóðhátíðar. Gunnar hefur unnið að því ásamt nokkrum félögum að safna saman upplýsingum um eldri merki þjóðhátíðar, ræða við listamennina um hugmyndir þeirra sem og endurgera merkin fyrir sýninguna. Dóra Björk Gunnarsdóttir, framkvæmdastjóri ÍBV mun jafnframt kynna nýtt afmælismerki þjóðhátíðar fyrir árið 2014, en þjóðhátíðin er 140 ára í ár. Vitaskuld verður boðið upp á brekkusöng og flatkökur á dagskránni.

Allir eru hjartanlega velkomnir!

Verkefnið er styrkt af ÍBV og unnið í samvinnu við þjóð-hátíðarnefnd.