- Eyjafréttir
- ·
- Fréttir
- ·
�?rír réðust á einn
Lögreglan hafði í ýmsu að snúast í liðinni viku án þess þó að um alvarleg mál hafi verið að ræða. Nokkur erill var í kringum skemmtanahald helgarinnar og fékk m.a. einn að gista fangageymslu lögreglu vegna ölvunar og óspekta.
Ein líkamsárás var kærð eftir skemmtanahald helgarinnar en um var að ræða árás fyrir utan einn af veitingastöðum bæjarins. �?arna höfðu þrír menn rétt um tvítugt ráðist á annan á svipuðum aldri með þeim afleiðingum að sá sem fyrir árásinni varð þurfti að leita til læknis. Hins vegar voru áverkar ekki alvarlegir og er málið í rannsókn.
Eigandi íbúðar sem hafði verið í leigu óskaði eftir að lögregla myndi leita í íbúðinni eftir að leigjandinn hafði yfirgefið íbúðina. Við leitina kom í ljós að neysla fíkniefna hafði farið fram í íbúðinni, auk þess sem ætlaðar steratöflur sem og loftskammbyssa fundust við leitina.
Eitt brot á umferðarlögum var kært í vikunni en um var að ræða vanrækslu ökumanns við að nota öryggisbelti við aksturinn.
