Við venjubundið eftirlit lögreglu við komu Herjólfs til Vestmannaeyja að kvöldi 13. febrúar sl. hafði lögreglan afskipti af karlmanni á þrítugsaldri vegna gruns um að hann væri með fíkniefni meðferðis. Við leit lögreglu fundust um 100 gr. af maríhúana, 50 gr. af amfetamíni og um 2 gr. af kókaíni og viðurkenndi maðurinn að vera eigandi efnanna. Maðurinn var í framhaldi af því handtekinn og vistaður í fangageymslu. Maðurinn hefur ítrekað komið við sögu lögreglu vegna hinna ýmsu mála m.a. fíkniefnamála. Málið telst að mestu upplýst.