Fyrsti leikur eftir Þjóðhátíð: Stjarnan-ÍBV á morgun

Eyjafréttir
·
Almennt
·
9. ágúst 2007

Fyrsti leikur eftir Þjóðhátíð verður á morgun er lið ÍBV heimsækir Stjörnumenn í Garðabæinn. Lið ÍBV situr sem fyrr í 5. sæti deildarinnar, er nú með 23 stig. Stjarnan er einu sæti neðar með 16 stig og hafa forráðamenn liðsins líklegast gert ráð fyrir betra gengi í sumar en raun ber vitni.
Í síðustu þremur leikjum hefur Eyjaliðið náð ágætis úrslitum og fengið sjö stig samtals með markatölunni 8-0. Jafnteflisleikurinn gegn Fjarðabyggð voru þó mikil vonbrigði enda liðið komið á ágætis skrið aftur. Yfirburðirnir gegn Austfirðingum voru miklir en lið þeirra pakkaði í vörn og ekki tókst að brjóta þann múr á bak aftur.

Lið Stjörnunnar er í skrýtinni stöðu, nú þegar rúmlega helmingur mótsins er að baki. Liðið er nánast búið að missa af tækifærinu um að komast upp enda eru 11 stig í þriðja sætið. Mjög stutt er í botnbaráttuna hjá liðinu en einungis þrjú stig eru í fjórða neðsta sætið. En þar sem einungis eitt lið fellur úr deildinni, líkt og í efstu deild, þá eru sáralitlar líkur á að Stjarnan falli. Því má eiginlega segja að Stjörnumenn séu úr leik, bæði í toppi og botni þrátt fyrir að aldrei sé hægt að segja svo með fullri vissu þegar þó þetta mikið er eftir.

Þjóðhátíðin í ár tókst hreint frábærlega og fer í sögubækurnar sem ein sú besta, bæði í því hvernig til tókst og eins í fjölda gesta. ÍBV liðið ætlar nú að fylgja eftir þessum glæsilegu Þjóðhátíðarúrslitum ÍBV-Íþróttafélags með sigri á morgun sem er alger nauðsyn ætli liðið sér að fara upp um deild. Ef sigur næst ekki á morgun og liðin fyrir ofan vinna sína leiki þá gæti liðið verið komið sex til sjö stigum á eftir Fjölni í þriðja sætinu og einungis sjö leikir eftir. Og síðustu þrír leikirnir í mótinu verða ekki beint auðveldir en mótherjarnir í þeim eru þrjú efstu liðin í dag: Grindavík, Þróttur og Fjölnir. Það er því mikil pressa á strákunum á morgun að ná góðum úrslitum en ekki síður á stuðningsmönnum liðsins. Allir sem einn er slagorð morgundagsins, sýnum nú úr hverju við erum gerðir og náum upp sömu stemningu og náðst hefur í nokkrum leikjum í sumar, m.a. gegn Grindavík og fleiri leikjum. Leikurinn hefst kl 19:00.

ÁFRAM ÍBV !

Nýjustu fréttir

Fréttir

Innviðaráðherra svarar bæjarráði

Stjórnmál

Spurt og svarað: Jón Þór frá Miðflokknum

Skipulagsmál

Hafnað um stækkun ramps

Íþróttir

Fyrirliði ÍBV spennt fyrir komandi tímabili í Bestu deildinni

Íþróttir

Þungt tap ÍBV gegn KR

Myndband

Stelpurnar klárar í slaginn

Menning

Jóna Heiða með sýningu í Sagnheimum

Fréttir

Eldsneytisvandi í Eyjum ratar á Alþingi

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki