Leikfélag Vestmannaeyja frumsýnir sitt 154 leikverk nk. laugardag 3. nóvember kl. 16:00, en það er barnaleikritið Blái hnötturinn sem er eftir Andra Snæ Magnason. Guðjón Þorsteinn Pálmason “Denni” leikstýrir verkinu, en æfingar hafa staðið yfir sl. mánuð og hafa þær gengið vel.

Leikarar eru 19 sem leika í verkinu og eru þeir ungir af árum, en þeir eru frá tíu ára aldri og upp í átján ára.
Í leikritinu sem gerist á Blá hnettinum eru eingöngu börn sem búa þar, en þau lenda auðvitað í ýmsum ævintýrum, leikmynd er einföld en skilar sínu vel í verkinu.
Sýnt verður allar helgar í nóvember á laugardögum og sunnudögum.