Day: 19. september, 2007

Meta hættu á ofanflóði í Vík

Hluti byggðar í Vík í Mýrdal þarfnast frekari skoðunar vegna hættu á ofanflóðum. Þetta kemur fram í greinargerð sem Veðurstofa Íslands hefur sent sveitarstjórninni í Mýrdalshreppi. (meira…)

Reiðhöll rís við Miðkrika

Fyrsta skóflustungan að nýrri reiðhöll við Miðkrika á Hvolsvelli var tekin föstudaginn 7. september sl. Það var Bergur Pálsson formaður Skeiðvangs ehf. sem reið á vaðið en Skeiðvangur er nýstofnað einkahlutafélag um byggingu og rekstur hallarinnar. (meira…)

Vinnuhópur um áliðnað

Bæjarráð Ölfus hefur skipað vinnuhóp til þess að ræða við þá aðila sem óskað hafa eftir að koma af stað áliðnaði í sveitarfélaginu. Það eru fyrirtækin Þórsál og Alcan. Ólafur Áki Ragnarsson mun leiða vinnuhópinn með þau Birnu Borg Sigurgeirsdóttur, Stefáni Jónssyni, Páli Stefánssyni og Dagbjörtu Hannesdóttur innanborðs. (meira…)

Torfæran

Tvær síðustu umferðirnar í heimsbikarmótinu í torfæru fara fram við Hellu á laugardag og sunnudag. Flugbjörgunarsveitin á Hellu stendur fyrir keppninni. Þrjátíu keppendur eru skráðir til leiks, þar af fimm erlendir.Á sunnudag mun samgönguráðherra einnig vígja nýja motocrossbraut á svæðinu. (meira…)

Gríðarmikil aurskriða

Eftir mikla rigningu á miðvikudag í síðustu viku féll gríðarmikil aurskriða úr Vörðufelli á Skeiðum aðfaranótt fimmtudags. Hafliði Kristbjörnsson, bóndi á Birnustöðum, hefur búið undir fjallinu í rúm 70 ár og man hann ekki aðra eins skriðu. (meira…)

Leit að veiðimanni hefur engan árangur borið

Um 100 björgunarsveitarmenn leita nú veiðimanns sem féll í Sogið við Bíldsfell um kl. 17 í dag. Björgunarsveitir í nágrenninu voru þegar kallaðar út auk þess sem lögregla og sjúkraflutningamenn fóru á vettvang. (meira…)

Uppstokkun á Fréttum

Nokkur uppstokkun verður á Fréttum nú þegar Júlíus Ingason tekur við ritstjórn Vaktarinnar af Jóhanni Inga Árnasyni sem er fluttur til Bandaríkjanna með fjölskyldu sinni og er sestur á skólabekk. Auk þess tekur Júlíus við ritstjórn eyjafrétta.is. (meira…)

Pökkuðu hassi og LSD með kaffi og harðfiski og sendu með flugvél til Eyja

Héraðsdómur Suðurlands hefur dæmt karlmann og konu í skilorðsbundið fangelsi og til að greiða sekt. Fólkið faldi rúm 10 grömm af amfetamíni, tæp 3 grömm af hassi, 1 gramm af maríjúana og 4 skammta af LSD í kaffipakka og pakkaði inn ásamt harðfiski og sælgæti og sendu til Vestmannaeyja með flugvél frá Reykjavík. (meira…)

Mótvægisaðgerðir dropi í hafið

Útvegsbændur í Vestmannaeyjum segja að á undanförnum 6 árum hafi samfélagið í Eyjum fært fórnir upp á 3,1 milljarð króna í formi byggðakvóta, línuívilnunar og ýmissa bóta, meðal annars vegna brests í rækju og skelveiðum, útflutningsálags (sem nú hefur verið fellt niður) og þróunarsjóðsgjalds sem síðar varð að veiðigjaldi. (meira…)

Útvegsbændur í Eyjum segja mótvægisaðgerðir dropa í hafið

Útvegsbændur í Vestmannaeyjum segja að á undanförnum 6 árum hafi samfélagið í Eyjum fært fórnir upp á 3,1 milljarð króna í formi byggðakvóta, línuívilnunar og ýmissa bóta, meðal annars vegna brests í rækju- og skelveiðum, útflutningsálags og þróunarsjóðsgjalds sem síðar varð að veiðigjaldi. Þannig hafi Eyjamenn í raun og veru stutt aðrar sjávarbyggðir árlega með […]

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.