Day: 7. nóvember, 2007

Andri til Enköping á reynslu

Andri Ólafsson fer í janúar næstkomandi til æfinga hjá sænska 1. deildarliðinu Enköping. Þetta sagði hann í samtali við Vísi en hann greindi einnig frá því að Enköping hafi einnig viljað fá hann til reynslu í sumar en að þá hafi ÍBV neitað beiðninni. Andri gekkst í síðustu viku undir aðgerð á nára og verður […]

Vegagerðin hættir við útboð

Vegagerðin hefur hætt við útboð á lagningu Gjábakkavegar, milli Þingvalla og Laugarvatns. Farist hefur fyrir að gera nauðsynlegar breytingar á aðalskipulagi Bláskógabyggðar en þar er ekki gert ráð fyrir veginum eins og hann hefur verið áætlaður. (meira…)

Lögreglan telur öryggi sínu og íbúa ógnað

„Verulega er vegið að öryggi íbúa Árnessýslu og annarra sem leið eiga um sýsluna, svo og lögreglumanna sem starfa við embætti Sýslumannsins á Selfossi, vegna ófullnægjandi fjárveitingar til embættisins, þetta segir m.a. í ályktun sem Lögreglufélag Suðurlands samþykkti á félagsfundi í síðustu viku. Hefur þegar orðið nokkur niðurskurður vegna þessa og er nú svo komið […]

Íslandsmet í athugasemdum

Íslandsmet athugasemda vegna virkjunarframkvæmda hefur verið slegið. Skipulagsstofnun höfðu á þriðjudag borist alls fjögur hundruð og tíu athugasemdir vegna Bitruvirkjunar, sem fyrirhugað er að reisa á Hengilssvæðinu. Frestur til athugasemda rennur út á morgun, föstudag. (meira…)

Norræna bókasafnsvikan 2007

Norræna bókasafnsvikan verður haldin 12-18. nóvember. Yfirskrift bókasafnsvikunnar að þessu sinni er “Konan í norðri” sem t.a.m vísar til norrænna kvenkynsrithöfunda. Bókasafn Vestmannaeyja er, sem fyrr, þátttakandi í hátíðinni. Boðið verður upp á fjölbreytta dagskrá í safninu sem auglýst verður í bæjarblöðunum. (meira…)

Dvalarheimilið Lundur 30 ára

Ný hjúkrunarálma og sólstofa við Dvalarheimilið Lund á Hellu eru á teikniborðinu, sagði Drífa Hjartardóttir, formanns stjórnar Lundar, í hátíðarræðu á þrjátíu ára afmæli stofnunarinnar síðastliðinn laugardag. Á þriðja hundrað manns mættu í veisluna. (meira…)

Aukin þjónusta við hestamenn

Bryndís Arnardóttir, hestakona og íþróttakennari, opnar um miðjan næsta mánuð nýja þjónustu við hestamenn á Selfossi. Hægt verður að leigja bás í hesthúsi Bryndísar og mun hún alfarið hugsa um þá hesta sem þar eru. (meira…)

Jól í skókassa:

Stór hluti af undirbúningi jólanna felst í því að gefa með sér og gefa þeim sem minna mega sín. Allir nemendur í 1. – 7. bekk Grunnskólans á Hellu tóku þátt í verkefninu Jól í skókassa á vegum KFUM og K með aðstoð umsjónarkennara og foreldrabekkjartengla. Nemendur skólans skiluðu samtals inn 125 kössum sem munu […]

Svið og hákarl og Johnsensöngur

Sl. föstudag gerðu starfsmenn á Litla-Hrauni sér glaðan dag á árlegri Sviðamessu. Komið var saman í Hliðskjálf, félagsheimili hestamannafélagsins Sleipnis á Selfossi. Á borðum voru að sjálfsögðu svið bæði heit og köld með viðeigandi meðlæti. (meira…)

Stórsveit Suðurlands ásamt Kristjönu og Guðlaugu

Næstu tónleikar Tóna við hafið verða miðvikudaginn 14. nóvember. Fram koma Stórsveit Suðurlands ásamt tveimur af bestu jazzsöngkonum landsins, þeim Kristjönu Stefánsdóttur og Guðlaugu Dröfn Ólafsdóttur. Stórsveit Suðurlands er fullskipuð stórsveit og var stofnuð árið 2006. (meira…)

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.