Líknarsjóðurinn var stofnaður árið 1996. Stofnendur sjóðsins voru hjónin, Hörður �?orgeirsson, húsasmíðameistari, fæddur 15. júlí 1917 á Hlemmiskeiði í Skeiðahreppi og Unnur Guðmundsdóttir, húsmóðir, fædd 30. júlí 1921 í Túni í Hraungerðishreppi.Hörður lést í Reykjavík 28. maí 2006.

Tilgangur sjóðsins er að styrkja hvers konar líknarstarfsemi á Íslandi eftir nánari ákvörðun sjóðsstjórnar.

Stjórn Líknarsjóðsins samþykkti að gefa sjúkrahúsi Heilbrigðisstofnunar Suðurlands gjöf til að efla starfsemi þess, bæta þjónustu þess við íbúa Suðurlands og til að styðja við framþróun í sjúkrahúsþjónustu. Í því skyni verði stofnaður sérstakur styrktarsjóður við stofnunina í nafni þeirra hjóna.
Stjórn Líknarsjóðs Unnar og Harðar ásamt framkv.stjórn HSu

Ráðstöfun úr sjóðnum getur verið í formi styrkja til að styðja við tiltekin verkefni eða kaup á búnaði, sem annars væri ólíklegt að stofnunin fengi fjárveitingu fyrir úr ríkissjóði. Um getur verið að ræða minni eða stærri styrki eftir því sem stjórnendur stofnunarinnar telja að geti komið stofnuninni að bestu gagni hverju sinni.

Heilbrigðisstofnun Suðurlands þakkar af alhug þessa miklu gjöf og þann góða hug til stofnunarinnar, sem að baki býr. �?að er stofnuninni afar mikilvægt að eiga jafn góðan stuðning og þessi gjöf sýnir, frá velunnurum stofnunarinnar.
Af fréttavef Heilbrigðisstofnunar Suðurland, hsu.is