Fjölskyldu- og tómstundaráð fundaði á miðvikudag í síðustu viku þar sem Jón Pétursson, framkvæmdastjóri, fór yfir stöðu ferða­þjónustu Vestmannaeyja­bæjar fyrir aldraða og fatlaða. Hann kynnti hugmyndir að framtíðarskipulagi og þætti sem hafa komið upp varðandi ferða­þjónustuna. Fjölskyldu- og tómstundaráð samþykkti tillögu framkvæmdastjóra um að leigja bíl og ráða starfsmann til að annast akstur fyrir fatlaða og aldraða til bráðabirgða í einn mánuð.