Karlalið ÍBV dvaldi á Spáni í vikutíma og æfði við bestu hugsanlegu aðstæður en liðið er nú á leið til Íslands. Í ferðinni voru tveir s-afrískir leikmenn til skoðunar en Heimir Hallgríms­son, þjálfari ÍBV, segir ekki víst hvort þeir verði hjá ÍBV í sumar. „Þessir strákar komu algjörlega á eigin vegum til okkar og við erum að skoða þetta mál. Þeir heita Thato Mokeke og Keagan Buchanan, og eru báðir sóknar­miðjumenn. Þeir eru báðir ungir, annar þeirra gæti spilað með 2. flokki.“