Steingrímur J. Sigfússon, fjármálaráðherra og þingmaður Vinstri-Grænna fór mikinn í ræðustól Alþingis þegar umræða um skýrslu rannsóknarnefndarinnar var tekin fyrir í dag. Steingrímur vildi að landsmenn allir, tækju sögu Vestmannaeyja og baráttuanda Eyjamanna sér til fyrirmyndar. „Látum okkur stórbrotna sögu Vestmannaeyja vera lærdóm, hvatningu og fyrirmynd nú, góðir landsmenn,“ sagði Steingrímur eftir stutta upprifjun á Tyrkjaráninu og Eldgosinu 1973. Hluta ræðunnar má lesa hér að neðan.