Bæjarstjórn Vestmannaeyja ákvað á fundi sínum í gær að stytta lundaveiðitímabilið úr 55 dögum, eins og lundaveiðitímabilið er í venjulegu árferði, í aðeins 5 daga. Tímabil þar sem lundaveiði verður leyfð stendur frá 24. júlí til 28. júlí, að báðum dögum meðtöldum. Þetta er gert í ljósi váglegrar stöðu lundastofnsins. „Þrátt fyrir að einsýnt sé að veiðar hafi lítil áhrif á viðkomu stofnsins og skýringa á viðkomubresti þurfi að leita annarsstaðar telur bæjastjórn Vestmannaeyja rétt að takmarka veriðar með þessum hætti,“ segir í ályktun sem má lesa hér að neðan.