ÍBV er komið í undanúrslit Visabikarkeppninnar en liðið lagði úrvalsdeildarlið Hauka að velli í dag 2:0 en Eyjastúlkur leika í 1. deild. Sigur ÍBV var síst of stór en Eyjastúlkur voru mun sterkari í síðari hálfleik, eftir frekar jafnan fyrri hálfleik. Hinir þrír leikirnir í átta liða úrslitum bikarkeppninnar fara svo fram í kvöld og þá kemur í ljós hvaða þrjú lið verða í pottinum auk ÍBV. Dregið verður í næstu umferð næstkomandi mánudag.