Karlalið ÍBV tekur í dag á móti Íslandsmeisturum Fram í þriðja heimaleik sínum í Olísdeildinni. Eyjamenn hafa spilað mjög vel á útivelli í vetur, unnið alla þrjá útileikina en að sama skapi hafa þeir tapað báðum heimaleikjum sínum til þessa. Leikurinn hefst klukkan 13:30 og ætla strákarnir að færa sig um set og spila í nýja sal Íþróttamiðstöðvarinnar. Er það gert þar sem aðstaða áhorfenda er margfalt betri þar en mikill fjöldi áhorfenda hefur lagt leið sína á leiki liðsins til þessa.