ASÍ hefur gefið út að hækkun á leikskólagjöldum hjá Vestmannaeyjabæ vegna 8 tíma vistunar með fæði hafi verið 14,6% á ársgrundvelli. �?etta eru rangar upplýsingar. Ef skjal ASÍ er skoðað betur kemur í ljós að allar forsendur eru réttar en samt er reiknað vitlaust. �?ar er sagt að gjald fyrir 8 tíma vistun m/fæði hafi farið úr 29.829 kr í 34.189 kr sem gerir 14,6% hækkun. Hið rétta er að gjaldið fór úr 31.213 kr í 34.189 kr sem er 9,53% hækkun. Gjöld Vestmannaeyjabæjar hafa fylgt vísitölu. Leikskólagjöldin hækkuðu umfram vísitölu á síðasta ári vegna óska foreldra um bætt fæði og aukna hollustu. Voru foreldrar tilbúnir til að taka á sig hluta kostnaðaraukann sem því fylgdi. Við það hækkaði fæðisgjaldið umfram vísitölu en almenna dvalargjaldið fylgdi vísitöluhækkun.

Árið 2004 var hlutdeild foreldra í rekstrarkostnaði leikskóla um 32% en fór í um 20% árið 2013. Á meðan meðaltalsvísitala neysluverðs hefur hækkað um 76% frá árinu 2004 hefur hlutdeild foreldra í þjónustutekjum hækkað um 45%. Hlutdeild Vestmannaeyjabæjar á sama tímabili hefur aftur á móti hækkað um 164%.

Vestmannaeyjabær harmar þessi mistök hjá ASÍ og hvetur til vandaðra vinnubragða við útreikninga sem þessa. �?ar sem ASÍ vekur máls á tengslum kjaramála og verðhækkana vill Vestmannaeyjabær vekja athygli á því að sveitarfélagið hækkaði laun allra fastráðinna starfsmanna undir launaflokki 120. �?etta var einhliða ákvörðun Vestmannaeyjabæjar að hækka lægstu laun umfram það sem ASÍ og önnur launþegasamtök höfðu samið um fyrir þeirra hönd.