ÍBV vann í kvöld sannfærandi sigur á Gróttu í Olísdeild kvenna en leikurinn fór fram í Eyjum. Lokatölur urðu 31:23 en staðan í hálfleik var 15:12 fyrir ÍBV. Leikurinn var í jafnvægi fyrstu 45 mínúturnar en þá tóku Eyjakonur við sér og keyrðu hreinlega yfir gestina. Síðasta stundarfjórðunginn gekk hreinlega allt upp hjá ÍBV, bæði í vörn og sókn og áttu Gróttukonur engin svör við leik ÍBV.

Sigurinn er gífurlega mikilvægur, sérstaklega fyrir ÍBV sem hefði verið fjórum stigum á eftir Gróttu og Val og tveimur á eftir Fram ef liðið hefði tapað í kvöld. En þess í stað eru ÍBV, Fram og Grótta öll jöfn að stigum í þriðja til fimmta sæti og Valur aðeins tveimur stigum á undan í öðru sæti. �?að stefnir því í spennandi keppni í Olísdeildinni út deildarkeppnina. Fjórar umferðir eru eftir af deildarkeppninni og á ÍBV ekki eftir að keppa við neitt af toppliðunum. �?að er því mikilvægt fyrir alla þá sem koma að liðinu, þjálfara, leikmenn og aðra, að halda einbeitningu næstu fjórar vikurnar enda er hver leikur héðan í frá, úrslitaleikur. Mikilvægt er að ná í það minnsta fjórða sætinu í deildinni, sem gefur heimaleikjarétt í fyrstu umferð úrslitakeppninnar. Best væri auðvitað að ná öðru sætinu en rétt að taka eitt skref í einu.

Ester �?skarsdóttir átti prýðisgóðan leik fyrir ÍBV í kvöld, bæði í vörn og sókn en Ester skoraði 10 mörk í kvöld. Guðbjörg Guðmannsdóttir sýndi einnig lipra takta í horninu en fyrst og fremst er þetta sigur liðsheildarinnar.