Sigurður Ragnar Eyjólfsson, fyrrverandi knattspyrnuþjálfari hjá ÍBV, gerði upp síðasta tímabil í viðtali í sjónvarpsþættinum 433.is á ÍNN í gærkvöld. Hann talaði um erfiða skuldastöðu ÍBV, gagnrýndi bæjarstjórn Vestmannaeyja fyrir að taka ekki upp frístundakort og sagði að leikmannahópurinn hafi verið allt of þunnur hjá meistaraflokki karla. Sigurður sagði að hann hefði viljað vita um fjárhagsstöðu ÍBV fyrr í ferlinu, en á tímapunkti hafi verið tekið fyrir öll leikmannakaup.

Sigurður Ragnar nefndi sem dæmi að hann hafi leitað til Dean Martins, 42 ára aðstoðarþjálfara, um að spila með liðinu til að styrkja hópinn. �??�?g veit ekki hvort ég megi segja það, en hann fékk sem sagt frítt í golf í sumar, það var samningurinn hans hjá ÍBV,�?? sagði Sigurður í viðtalinu og hló. �??�?annig að hann var meira að hjálpa liðinu, það var ekki breidd, við vorum í basli með breiddina,�?? bætti hann við.

Einnig var rætt við Sigurð Ragnar um nýtt starf hans hjá norska úrvalsdeildarliðinu Lilleström, en hann hefur verið ráðinn aðstoðarþjálfari Rúnars Kristinssonar. Sigurður sagði að hann myndi flytja til Noregs í janúar og fjölskyldan í framhaldi þegar hann hefði fundið húsnæði í Noregi.

Rætt er við Sigurð Ragnar um veruna hjá ÍBV í seinna hluta þáttarins sem hefst á 13. mín.