Ríkisstjórn samþykkir að auka fjármuni til innleiðingar á nýjum lyfjum

Eyjafréttir
·
Fréttir
·
19. febrúar 2016

Ríkisstjórnin samþykkti í morgun tillögu heilbrigðisráðherra um að fela fjármála- og efnahagsráðherra, í samráði við heilbrigðisráðherra, að tryggja aukið fjármagn svo unnt verði að taka í notkun fleiri ný lyf á þessu ári 2016.

Í fjárlögum ársins 2016 er gert ráð fyrir að fjárheimildir til s-merktra lyfja verði 6.266 m.kr. Heilbrigðisráðherra ákvað í janúar að veita hundrað milljóna króna viðbótarframlag af safnlið ráðuneytisins til að greiða fyrir innleiðingu fleiri nýrra lyfja, að höfðu samráði við lyfjagreiðslunefnd.

Lyfjagreiðslunefnd hefur nú fengið frá Landspítala yfirlit yfir þau forgangslyf sem spítalinn óskar eftir að fá að innleiða á þessu ári. Á þeim lista eru m.a. mörg ný krabbameinslyf. Lyfjagreiðslunefnd hefur vakið athygli á að aðrar Norðurlandaþjóðir hafi samþykkt greiðsluþátttöku í flestum þeirra lyfja sem eru á forgangslista Landspítala en fjárheimildir eins og þær voru ákveðnar í fjárlagafrumvarpinu nægja ekki til að standa straum af þeim kostnaði sem leiðir af innleiðingu þeirra.

Einn helsti óvissuþáttur við gerð áætlana um innleiðingu nýrra lyfja felst í því að meta hve margir sjúklingar muni þurfa á lyfjunum að halda. �?egar um er að ræða mjög dýr lyf getur það kollvarpað fyrirliggjandi áætlun ef sjúklingar sem á lyfjunum þurfa að halda reynast fleiri en áætlað var.

Heilbrigðisráðherra fundaði með lyfjagreiðslunefnd í byrjun þessa árs þar sem fram kom að nefndin teldi ekki unnt að innleiða ný S-merkt lyf á þessu ári miðað við framlög fjárlaga. Í framhaldi af því veitti ráðherra 100 milljóna króna aukið framlag til að greiða fyrir innleiðingu nýrra lyfja en ákvað jafnframt að leggja til við ríkisstjórnnina að leggja aukið fé til málaflokksins, líkt og samþykkt var á fundi hennar í morgun. Markmðið er að gera kleift að innleiða öll þau lyf sem sett hafa verið á forgangslista af hálfu Landpítalans.

Heilbrigðisráðherra fagnar þessari niðurstöðu

�??.�?að er ljóst að með þessari ákvörðun ríkisstjórnarinnar verður unnt að innleiða fleiri ný lyf en áætlanir gerðu ráð fyrir. �?að er afar mikilvægt því þar með getum við þjónað sjúklingum betur og á sambærilegan hátt og gert er hjá nágrannaþjóðum okkar�?? segir Kristján �?ór Júlíusson heilbrigðisráðherra.

Fjármála- og efnahagsráðherra og heilbrigðisráðherra áætla að kynna tillögur um viðbótarfjármagn til málaflokksins síðar í þessum mánuði.

Nýjustu fréttir

Bæjarmálin

Samgöngur við Eyjar settar í hættu?

Úr blaði Eyjafrétta

Gamla myndin – Kartöflugarðar í Eyjum

Fréttir

Landsbankinn og N1 bætast í hluthafahóp Eyjaganga

Áhugavert

Eló heldur tónleika í Eyjum

Vinnslustöðin

Þórunn Sveinsdóttir VE kveður Eyjar

Tímamót

Rauði krossinn í Eyjum fagnaði 85 árum með opnu húsi

Áhugavert

Sveiflur í veðri og ógnar brim

Fréttir

Gul viðvörun – Austanhríð

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki