Kreppan hefur haft þau skelfilegu áhrif á höfuðborgarsvæðinu að heilu hverfin standa hálfkláruð og fátt sem bendir til þess að húsin sem þar standi verði kláruð á næstunni. Kreppan hefur hins vegar haft öfug áhrif á byggingariðnaðinn í Vestmannaeyjum því líklega hefur aldrei verið byggt meira en nú. Þannig er verið að byggja tvö verslunar- og íbúðarhús sem saman eru um 6000 fermetrar og í apríl verður byrjað á 4500 fermetra knattspyrnuhúsi.