Herjólfur siglir til Þorlákshafnar fyrri ferð dagsins. Brottför frá Vestmannaeyjum kl. 07:00. Brottför frá Þorlákshöfn kl. 10:45.  Farþegar sem áttu bókað á þessum tímasetningum í Landeyjahöfn færast sjálfkrafa á milli hafna, segir í tilkynningu frá Herjólfi ohf.

Þá segir að ferðir kl. 08:15, 09:30, 12:00,13:15, 14:30,15:45 falli niður.  Þeir farþegar sem ætla sér að nýta gistirými ferjunnar eru minntir á að þeir þurfa að koma með sinn eiginn búnað.

Á þessum árstíma er alltaf hætta á færslu milli hafna og því ekki æskilegt að skilja eftir farartæki í annarri hvorri höfninni. Strætó fer frá Mjódd kl. 09:00. Hvað varðar siglingar fyrir seinni partinn þá gefur skipafélagið út tilkynningu fyrir kl. 15:00.