​Nýverið birtust niðurstöður úr nýjum Þjóðarpúlsi Gallup og eru helstu breytingar milli mælinga að fylgi Viðreisnar minnkar um tæplega tvö prósentustig.

Fylgi annarra flokka breytist lítið eða á bilinu 0-1 prósentustig og eru breytingarnar ekki tölfræðilega marktækar. Hátt í 35% kysu Samfylkinguna ef kosið yrði til Alþingis í dag, tæplega 20% kysu Sjálfstæðisflokkinn, nær 13% Viðreisn, næstum 11% Miðflokkinn og ríflega 7% Flokk fólksins. Rösklega 4% kysu Framsóknarflokkinn en fylgi hans hefur ekki mælst lægra síðan mælingar Gallup hófust í júní 1992. Næstum 4% kysu Vinstri græn, rösklega 3% Pírata, nær 2% Sósíalistaflokk Íslands og um 1% aðra flokka.

Nær 6% myndu skila auðu eða ekki kjósa og tæplega 13% taka ekki afstöðu eða vilja ekki gefa hana upp. Næstum 64% þeirra sem taka afstöðu styðja ríkisstjórnina.

Miðflokkurinn bætir við sig 4,3% milli mánaða í Suðurkjördæmi

Það er RÚV sem deilir niðurstöðunum þjóðarpúlsins með Eyjafréttum. Þar sést einnig fylgið í hverju kjördæmi fyrir sig. Í Suðurkjördæmi mælist ​Samfylkingin stærst með 27,​9%.​ og bætir við sig 2,2% milli mælinga. Næstmest fylgi í kjördæminu hefur S​jálfstæðisflokkurinn sem mælist nú með 24,​1% en var með 24,8% í síðustu mælingu. Miðflokkur nýtur stuðnings 15,8% en hann var í fyrri mælingu með 1​1,5%.

Flokkur Fólksins er fjórði stærsti flokkurinn í Suðurkjördæmi með 11,9% en var í 1​4,​1% fyrir mánuði. Viðreisn mælist með samkvæmt könnuninni ​8% fylgi í Suðurkjördæmi​ og Framsókn er með ​7,​6%. Aðrir flokkar mælast með undir 3% fylgi í kjördæminu.