Í páskahelgihaldi Landakirkju núna í ár má finna bæði það sem er kunnuglegt en einnig er bryddað upp á nýjungum.

Skírdagur
19:00 – Nýjung páskahelgihaldsins er að finna á skírdagskvöld. Athöfnin er tvískipt og hefst með kvöldverð í safnaðarheimilinu í anda síðustu kvöldmáltíðarinnar. Seinni hluti athafnarinnar er síðan upp í kirkju þar sem gengið verður til altaris eins og hefð er fyrir á skírdagskvöld. Í lok athafnarinnar er altarið síðan afskrýtt sem myndlæg niðurlæging Krists.

Föstudagurinn langi
11:00 – Lestur píslarsögunnar er fastur liður í helgihaldi föstudagsins langa og er engin breyting á því núna í ár.

Páskadagur
6:27 – Undanfarin ár hefur sr. Viðar lagt leið sína í Stórhöfða til að fagna sólarupprásinni sem markar jafnframt upphaf páskahátíðarinnar. Öllum er að sjálfsögðu velkomið að koma með en sífellt fjölgar í hópi þeirra sem leggja leið sína suður á Eyju. Í ár er sólris kl. 6:27 og því æskilegt að mæta örlítið fyrr til að mæta fyrstu geislum sólar. Við vonum að veður og skyggni verði gott.
8:00 – Hátíðarguðsþjónusta í Landakirkju þar sem upprisu Krists er fagnað. Að lokinni messu er boðið upp á morgunverð í boði sóknarnefndar í safnaðarheimilinu.
10:30 – Páskahelgihaldið endar síðan á hátíðarguðsþjónustu á Hraunbúðum.

Í öllum athöfnum syngur Kór Landakirkju og Kitty stjórnar.
Sjáumst í kirkjunni okkar um páskana. Gleðilega páska!