Samgöngur og sannindi
Arndís María Kjartansdóttir

Aðsend grein

Arndís María Kjartansdóttir

Gugga í gúmmíbát er á hraðari siglingu en Herjólfur þessa dagana. Lítið fer fyrir vinsældum Vegagerðarinnar í Vestmannaeyjum, en svör voru að berast um aðgerðir, til að brúa bilið þar til Landeyjahöfn opnast. Þrátt fyrir vel meinandi greinaskrif og góða greiða, þá gerðist lítið fyrr en fólk sýndi samstöðu. Engu að síður bíður bæjarfélagið brjálað eftir Herjólfi og blæðir á meðan ástandið er með þessum hætti.  Við lifum á loforðum sem sífellt eru svikin, af fólki sem hefur of lítil völd til að gefa þau.  Hættum með innantóm lokkandi loforð, sameinumst frekar og fáum aðra með okkur í lið, því sameinuð sigrum við.

 

Loforð og leiðindi

Því er engu logið að allir flokkar í framboði séu sammála því að aðgerða er þörf.  Enn, aðgerða er þörf þegar vel viðrar, þegar Herjólfur siglir í Landeyjarhöfn, lífið er ljúft og við brosum bara út að eyrum, vitandi að veturinn nálgast með sínum vitlausu veðrum. Ef hús okkar lekur, þá hlægjum við ekki hástöfum þegar sólin skín, heldur vinnum að viðgerðum þegar vel viðrar. Verum viðbúin, lofum ekki bara og leiðindin munu koma, án þess að nokkur geti rönd við reist. Það eru meiri líkur en minni að fá fram góð loforð þegar lóan syngur og sól skín í heiði heldur en þegar of seint í rassinn er gripið. Sýnum skynsemi og semjum snemma, hættum að setja fram hriplek loforð sem enda svo sem leiðindi þegar á líður.

 

Tuska og tuggur  

Bestu loforðin sem við getum gefið er að gæta hagsmuna heildarinnar.  Ekki gefa loforð sem láta okkur líða betur, en eru jafn gisin og gömul tuska. Ekki lofa því sem ekki verður við staðið, bara af því að við erum í framboði, ekki bjóða uppá gamlar tuggur. Kjósendur eru klókir og sjá í gegnum blekkingarvefinn sem spunninn er í kringum kræsileg og kjánaleg loforð. Gefum gaum að þeim loforðum sem við gefum, gefum loforð sem bæta búsetu, ekki bara lofa því sem lofað hefur verið af gömlum vana, með nýju fólki koma nýjar vonir Vestmannaeyingum til handa, við ætlum að vinna fyrir ykkur, því get ég lofað

 

 

Arndís María Kjartansdóttir

Höfundur er oddviti og bæjarstjóraefni Eyjalistans.

Nýjustu fréttir

Stjórnmál
Margrét aðstoðar Miðflokkinn
Fréttatilkynning
Herrakvöld fótboltans
Beint
Fundur bæjarstjórnar í beinni
Aðsend grein
Samgöngur og sannindi
Samgöngur
Staðan í Landeyjahöfn
Aðsend grein
Vestmannaeyjahöfn, lífæð samfélagsins
Stjórnmál
Sæunn Magnúsdóttir er tilbúin í slaginn
Íþróttir
ÍBV í úrslit eftir sigur gegn Haukum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.