Margrét aðstoðar Miðflokkinn
Margrét Rós Ingólfsdóttir

Ritstjórn

frettir@eyjafrettir.is

Ákvörðun Sjálfstæðisflokksins um að gera Írisi Róbertsdóttur að bæjarstjóraefni hefur vakið talsverð viðbrögð innan flokksins.

Í því samhengi fengu Eyjafréttir ábendingu um að Margrét Rós Ingólfsdóttir, bæjarfulltrúi Sjálfstæðisflokksins, hafi sést á kosningaskrifstofu Miðflokksins í Vestmannaeyjum.

Á góða vini í Miðflokknum

Við eftirgrennslan staðfesti Margrét að hún hygðist ekki styðja framboð Sjálfstæðisflokksins í komandi kosningum.

„Ég er sjálfstæðiskona og styð stefnu Sjálfstæðisflokksins en framboð Sjálfstæðisflokksins í Vestmannaeyjum styð ég ekki í þessum kosningum og hef upplýst helstu trúnaðarmenn og forystu flokksins á landsvísu um það.

Ég á góða vini í Miðflokknum í Vestmannaeyjum. Jón Þór, Jóhann Ingi, Linda, Sæunn og Þura eru vinir mínir og hinir á framboðslistanum eru ágætis kunningjar mínir. Ég þekki þeirra áherslur og þær falla mér vel í geð. Ég veit líka að innan framboðsins er rík virðing borin fyrir samstarfsfólki og áhersla lögð á samstöðu framboðsins. Það skiptir mig líka máli.

Fyrir mér var málið einfaldlega þannig snúið að þessir vinir mínir báðu mig um aðstoð og þegar vinir biðja um aðstoð þá hlustar maður. Á þeim forsendum hef ég ætíð komið fram í stjórnmálum og öðru og hef ekki áhuga á að breyta því. Ég treysti þessu fólki til góðra verka og mun reyna að aðstoða þau í kosningabaráttunni. Ég tek þetta verkefni með vinum mínum og hvað verður í framtíðinni verður svo bara að koma í ljós,” segir Margrét Rós.

Himinlifandi með liðsaukann

Eyjafréttir höfðu einnig samband við Jón Þór Guðjónsson, oddvita Miðflokksins í Vestmannaeyjum. Jón Þór sagðist himinlifandi með að Margrét hafi verið tilbúin til þess að leggja þeim lið í baráttunni.

„Margrét hefur starfað í stjórnmálum í langan tíma og þegar við fengum fregnir af því að hún væri á lausu lá beinast við að við myndum heyra í henni, enda góð vinkona okkar margra. Í raun kom það okkur mest á óvart að samstarfsaðilar hennar til tuga ára í Ásgarði hafi ekki verið fyrir lifandis löngu búnir að tryggja sér hennar starfskrafta. Allur framboðslistinn var því sammála og eftir smá samtal sagði Margrét já og við erum himinlifandi.”

Nýjustu fréttir

Stjórnmál
Margrét aðstoðar Miðflokkinn
Fréttatilkynning
Herrakvöld fótboltans
Beint
Fundur bæjarstjórnar í beinni
Aðsend grein
Samgöngur og sannindi
Samgöngur
Staðan í Landeyjahöfn
Aðsend grein
Vestmannaeyjahöfn, lífæð samfélagsins
Stjórnmál
Sæunn Magnúsdóttir er tilbúin í slaginn
Íþróttir
ÍBV í úrslit eftir sigur gegn Haukum
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.