Herjólfur ohf. hefur gefið út nýja tilkynningu þar sem fram kemur að siglt verði tvær ferðir til Landeyjahafnar í dag. Annars vegar seinni partinn í dag og hins vegar í kvöld.

Brottför frá Vestmannaeyjum verður klukkan 16:00 og 19:30, en ferðin klukkan 16:00 hafði áður verið áætluð til Þorlákshafnar. Frá Landeyjahöfn verður siglt klukkan 18:15 og 20:45.

Þetta þýðir að aðstæður hafa batnað það mikið að hægt verður að sigla þessar síðdegisferðir um Landeyjahöfn í stað Þorlákshafnar. Áður hafði verið gefið út að ferjan sigli sjö ferðir milli Eyja og Landeyjahafnar á morgun, mánudag.