Loðnuvertíðinni sem lauk í mars skilaði ekki aðeins góðri afkomu fyrir Ísfélagið heldur einnig mjög góðum tekjum fyrir áhafnir skipanna. Í tilkynningu með uppgjöri félagsins kemur fram að hásetahlutur á Sigurði VE og Heimaey VE hafi verið á bilinu 8,7 til 8,9 milljónir króna, án orlofs, eftir leiðréttingar samkvæmt kjarasamningum.

Vertíðin stóð yfir í 41 dag, frá 7. febrúar til 19. mars, en skipin voru hvort um sig á sjó í um 350 klukkustundir, eða tæplega 15 daga.

Stefán Friðriksson, forstjóri Ísfélagsins, segir í yfirlýsingu sinni að árangurinn sé afrakstur mikilla fjárfestinga félagsins undanfarin ár í skipum og vinnslum sem geri kleift að hámarka verðmætasköpun á stuttum vertíðum.

„Það er afar ánægjulegt hversu vel til tókst að skapa þessi verðmæti sem verða til vegna góðra og samhentra áhafna, góðs sölustarfs og síðast en ekki síst öflugs starfsfólks í landi,“ segir Stefán.

Þessu tengt: Ísfélagið með 2,8 milljarða króna hagnað á fyrsta ársfjórðungi